2014年4月30日 星期三
2014年4月29日 星期二
2014年4月27日 星期日
2014年4月26日 星期六
2014年4月25日 星期五
2014年4月24日 星期四
2014年4月23日 星期三
2014-04-23 (Wed) final LV
finally......換了這個~~ 越看越愛! 表姐係巴黎買個個, 月頭帶左返屋企後, 放入櫃桶都冇用, 老實講, 比預期冇咁鍾意; 我係上網睇相揀, 點知實物比我想像中大了三分一, 成部iPhone都放得入, 唔係超鍾意，咁不如要個真係長型既銀包which is my 2nd choice; 但拖到今日心血來潮, 打去問下LV點計, 我一真以為用返巴黎價同我換, 點知竟然用香港價! 巴黎價係四千幾, 香港價係$6400, 我想換的係$6650, 即係補$250就有心頭好, 即係去換啦, 因為要一個月內, 好在趕得切, 遲多兩日就冇行lu!
2014年4月22日 星期二
2014年4月21日 星期一
2014-04-21 (Mon) 青衣東北公園
假期最後一天, Uncle Ben & Karmen EE黎屋企探丁丁, 仲同丁丁去青衣東北公園玩, 一邊食榴槤, 陽光下大細都好好享受! 夜晚約埋休契爺去陳根記食飯, 丁丁呢餐超扭計, 唔知係咪太嘈, 攪到我下次都唔敢黎呢度......
2014年4月20日 星期日
2014年4月19日 星期六
2014-04-19 (Sat) 丟低丁丁睇魔警
去完沙灘食完晚飯返到屋企整頓好丁丁訓覺, 我地出左去睇魔警, 第一次丟低丁丁比姐姐一個睇住; 好刺激，好似瞞住老公去偷食, 返黎丁丁仲訓緊，完全唔知我出過去，哈哈!
2014-04-19 (Sat) Gold Coast Beach
復活假期第二天, 戶外活動揀左去海灘, 約埋Kim一家三豆丁, 加埋同丁丁同日生的孖囝, 一共六個小朋友! 今日丁丁仲唔驚比沙埋, 係咪要我地同佢玩埋住雙腳跟住legs up, 攪笑! 可惜呢個沙灘D沙好粗, 加上更衣室情況惡劣, 出水打落個身係超痛的, 小朋友點沖到身呢? 我唔會再黎了, 唔適合丁丁............
2014年4月18日 星期五
2014-04-18 (Fri) 大棠有機生態園
復活假期第一天, 同丁爸爸同事去左大棠有機生態園, 加埋同丁丁同日生的孖囝, 一共五個小朋友, 玩左一個下午, 好攰呀! 走時見到郊區有士多餐廳, 就泊埋一邊食晚飯, 個翠塘豆腐真好味, 好岩丁丁!
2014年4月17日 星期四
2014-04-17 (Thu) 打筋斗
打筋斗~~點解呢個只得歲半又細細粒既人仔可以咁曳架! 其實呢個係一個跳落水動作: 雙手合十放頭上面 then jump, 一直只係趴落床; 今日丁丁無意young左一下腳, 變左打筋斗, 之後就覺得好過癮, 係咁玩!
2014-04-17 (Thu) 丁丁自訂車牌
自訂車牌.....我自己都想要個, 但太貴同唔實際; 不過整比呀囡, 諗都唔諗就去馬啦....丁丁真係令我最肯洗錢的, 哈哈! 見到實物後都好滿意, 原來D字係凸出黎架, 好靚~~$180, 抵! 第時架車冇用, 留返個車牌留念都好呀!
2014年4月16日 星期三
2014年4月15日 星期二
2014-04-15 (Tue) Ronnie慶生飯@慶功宴
Ronnie慶生飯由食家Ken Sir發板, 只知叫慶功宴, 去到見咁少檯既? 原來係食私房菜架! d菜真係好特別, 最深印象係咪青厘茄同真茘枝無論味道質感都極似! 重有個魷魚, 芝士魚柳, 溏芯蛋, 蟹鉗龍蝦湯等.....好好味! 最後Ken Sir唔收錢, 話佢升左做CIO (Chief Immigration Officer), 好勁呀, 真係多謝呢餐咁好味既生日飯!
2014年4月13日 星期日
2014-04-13 (Sun) very BIG BIRD outside iSquare
今晚真好, 丁呀姨同朋友食飯, 放丁丁比佢湊兩個鐘, 我同丁爸爸閃去iMax睇美國隊長, 接返丁丁時已經九點幾, 丁丁訓著左, 但丁呀姨話佢都幾扭計, 成日要搵媽媽, 我地黎到仲即醒拑住我要抱, 帶佢去iSquare出面睇下big bird補返數啦!
2014年4月12日 星期六
2014年4月10日 星期四
2014-04-10 (Thu) 丁呀姨生日@石澳遊。Dinner@囍點
今日丁呀姨正日生日, 我同佢請左半日假, 黎個石澳遊, 又可同丁丁去沙灘! 閒日好正呀, 冇人, 天氣又好! 呢度d沙好靚, 踩落去舒服, 岩BB黎, d水又清, 淺水地方好長, 放心丁丁自己行/跑, 總之就係正! 丁丁又失控, 仲唔肯離開, 要抱佢走...........最攪笑係丁婆婆話我本身比丁丁的玩沙工具咁少，慌死個孫唔夠玩，衝去沙灘士多買左好多返黎, 我個車尾箱宜家放滿晒玩沙工具, 哈哈!
2014年4月9日 星期三
2014-04-09 (Wed) 自己楂奶樽飲 - 續
見丁丁自己楂到奶樽飲, 先醒起買左成大半天的飲管, 頂, 好失敗我丁媽媽..........拿拿林拎出黎用, 丁丁無問題, 我真係太太太遲去做呢樣野, 好自責呀, 我D記性點解可以差成咁.............?? 有冇人幫到我!!!
2014年4月8日 星期二
2014-04-08 (Tue) 自己楂奶樽飲
我好失策呀, 一直都唔記得叫姐姐比丁丁自己楂奶樽飲, 係上星期六丁呀姨自己咁比, 佢提我先知........其實丁丁係識架啦.........唉,令我好沮喪, 覺得自己做得好唔岩, 冇配合丁丁的成長, 我做媽媽的本能去左邊? 點先有?
2014-04-08 (Tue) 丁呀姨丁父父慶生飯with丁公公
丁公公約大家食丁呀姨丁父父慶生飯, 丁丁雖然見丁公公少, 但出奇地都好鍾意丁公公, 要衝埋佢度, 又要伏落佢度, 今晚似乎丁公公最開心; 係咁叫野食, 仲買埋生日蛋糕!
2014年4月6日 星期日
2014-04-06 (Sun) 迪欣湖放電
今日係落雨陰天的一天, 真係估唔到係bad weather黎之前,
我已經完成假日湊女最重要的任務 - 帶丁丁去放電! 赤晒腳周圍走兼玩到濕晒身換衫, 玩完先係十一點, 開始陰天我地就閃, 多得丁丁咁早起身,
最重要係......佢有個都肯咁早起身既好好媽媽肯帶佢去玩, 哈哈!
2014年4月5日 星期六
2014-04-05 (Sat) 清水灣。泰旺晚飯
難得出太陽的假期, 帶丁丁去海灘, 佢超興奮, 見到大海失晒控, 係咁衝呀衝! 嚴格黎講, 今次係第一次真係坐低係海灘玩沙玩水, 上年帶丁丁去海灘佢都未識行, 只係放佢係沙/水玩下, 估唔到佢都OK冇怕沙! 夏天快d到啦, 太陽多d放假出黎啦, 我一定帶丁丁喪去沙灘!
之後去左西貢泰旺食泰菜, 今日大人細路都勁開心, 好滿足的一天!
之後去左西貢泰旺食泰菜, 今日大人細路都勁開心, 好滿足的一天!
2014-04-05 (Sat) 赤.........到入肉
赤.........到入肉, 事緣今朝泊日航返工, 拎車時發現, 即刻同酒店講, 奈何酒店話睇晒我入黎時同出車時中間的CCTV, 都未見有人走埋過我架車.......最哀我都唔知幾時整花, 只知條痕好新, 應該係呢幾日......咁可能係屋企車場, 公司都未定......總之就好心痛啦!
2014年4月4日 星期五
2014年4月3日 星期四
2014-04-03 (Thu) My 1st LV
自問我真係唔算奢侈架, 三十幾歲人先捨得買人生第一個LV, 多得表姐去巴黎旅行問我有冇野買.........丁爸爸話佢比錢, 我話貴喎, 一半啦; 佢話唔好, 要100%屬於佢買比我, 哈哈, 又真係氹得我幾開心!
2014-04-03 (Thu) 桂花糕 & 菊花茶@ICS。A1 lunch
今日我帶丁丁返學, 剛好整桂花糕 & 菊花茶, 我可以同佢一齊參與, Yeah!
返完學同佢係葵芳食晏, 又食得唔錯喎; 跟住返屋企同佢沖涼, 氹佢訓不過失敗, 攪好耐佢先比我返工, 跟住就趕返office.......老實講, 真係好忙好攰, 好似一秒私人時間都冇, 抖啖氣都冇, 但為左呀囡, 都要頂住! fighting~~~
返完學同佢係葵芳食晏, 又食得唔錯喎; 跟住返屋企同佢沖涼, 氹佢訓不過失敗, 攪好耐佢先比我返工, 跟住就趕返office.......老實講, 真係好忙好攰, 好似一秒私人時間都冇, 抖啖氣都冇, 但為左呀囡, 都要頂住! fighting~~~
訂閱：
文章 (Atom)