丁媽媽: 1月 2014

2014年1月31日星期五

2014-01-31 (Fri) Snapshots by 丁呀姨

Snapshots by 丁呀姨:

2014-01-31 (Fri) 年初一@屯門叔叔家+開年飯

每年年初一指定動作, 先到丁爺嫲家拜年, 食個開年飯; 跟住晚上到屯門叔叔家, 同丁太嫲拜年+一大班人食個開年飯!

2014年1月30日星期四

2014-01-30 (Thu) 年三十行花市

第一次帶丁丁行花市, 冇去維園呀, 咁多人佢根本行唔到; 我地只係應下節, 行一行咋, 去左葵芳花市, 其實都真係幾廢, 冇咩野睇; 不過丁丁就好開心, 見佢咁開心我已經好滿足啦! 買左隻狗狗氣球比佢, 引黎好多人注目, 個個人都話好攪笑呀好得意咁! 我地仲改左隻狗叫『丁旺財』, 哈哈!

2014年1月29日星期三

2014-01-29 (Wed) 四隻噹噹

丁丁的睡寶寶一向用緊mothercare熊仔, 宜家做緊半價, 激抵, 買定多 2 隻噹噹做士啤, 宜家一共有四隻呀! ^^

2014-01-29 (Wed) 丁婆婆慶生飯@翠園

今餐丁婆婆慶生飯+做節, 去左翠園; 買左個好靚既粟子蛋糕, 但要收$50切餅費, 好唔抵呀!

2014-01-29 (Wed) ICS 觀察班第四堂

ICS 觀察班第四堂, 丁丁學習幫手抹窗, 好可愛! 跟住一放學, 一如以往, 都係最鍾意玩水!

2014年1月28日星期二

2014-01-28 (Tue) Jimmy慶生飯@Jimmy's Kitchen

Jimmy慶生飯去左Jimmy's Kitchen, 確係有意思! 丁爸爸自己一個帶丁丁搭小巴+地鐵接我, 兩個都叻!

2014年1月27日星期一

2014-01-27 (Mon) My snowboarding helet。試戴媽媽滑雪頭盔

買了滑雪頭盔, 為三月二世古之旅作準備金; 丁丁仲試戴呢!

2014-01-27 (Mon) 同婆婆去公園

經丁媽媽長期灌輸小朋友去公園的好處後, 丁婆婆都好鍾意帶丁丁去公園了, 令丁媽媽返工都好安心, 知道丁婆婆照顧丁丁實冇問題!

2014年1月26日星期日

2014-01-26 (Sun) 與丁公公做節

今晚同丁公公做節, 啲餸好大碟, 食唔晒, 但好好味! 同樣一千蚊, 今次好食過上次個盆菜多多聲!

2014-01-26 (Sun) Leanna 2nd birthday party

今日參加左 Leanna 2nd birthday party, 好多小朋友一齊玩!

2014年1月25日星期六

2014-01-25 (Sat) 摘士多啤梨

丁爸爸未試過摘士多啤梨, 呢D咁有意義既戶外活動, 梗係要佢同丁丁一齊玩下啦!

2014-01-25 (Sat) 帶跳跳虎游水

帶跳跳虎去游水, 點知黎到城門谷維修..........即刻衝去美孚, 總算有得游; 但唔鍾意美孚呀, 池邊無觀眾席, 諗住一上水幫丁丁著衫架麻; 跟住又冇家庭更衣室, 得我一個, 個身同頭髮滴住水咁幫丁丁著衫, 仲要由上水行到更衣室段路係冷氣走廊, 已經凍到我死.......=="

水溫就差唔多, 都係偏凍, 所以都係游左廿分鐘, 叫做想keep住同丁丁游水咁啦, 怕佢停左冇上堂會唔記得呀!

2014-01-25 (Sat) 跳跳虎出動

呢件跳跳虎衫上年就太細, 今年就少少緊, 緊到丁丁起唔到身, 成個pat pat 趷係度, 哈哈! 不過佢咁行黎行去又真係攪笑!

2014-01-25 (Sat) Hide and Seek with 丁呀姨

同丁呀姨玩Hide and Seek:

2014年1月24日星期五

2014-01-24 (Fri) snowboarding tee

係gmarket訂左兩件snowboarding tee到了, 同呀妹一人一件, 不過真係太大件!

2014年1月23日星期四

2014-01-23 (Thu) 丁丁私家檯櫈

丁丁私家檯櫈有啦, 多謝表姐相贈, 跟學校的一模一樣, 想丁丁係屋企的模式盡量跟學校咁; 呢款比 0-3 baby, 市面真係好少有咁細張, 坐都唔會吊腳; 丁丁都好鍾意, 慣左拎玩具同睇書都係度做啦!

2014年1月22日星期三

2014-01-22 (Wed) ICS 觀察班第三堂

ICS 觀察班第三堂啦, 繼續戶外玩陣等上堂->上堂->食野+戶外玩到攰; 丁丁已開始熟習學校環境, 記得邊度玩水, 上完樓梯轉左係課室, 拎完書去梳化睇, 地下濕左要拖地......見到佢有進步, 由開頭第一堂唔識點拉櫈坐, 因為屋企無佢的檯櫈的, 但今日已經識了; 由開頭唔識坐低係梳化, 宜家識背向梳化慢慢向後吞坐低, 好攪笑! 見到佢咁快有進步, 做呀媽我真係好開心!

2014-01-22 (Wed) 丁爸爸作品 - 丁媽媽與丁丁

丁爸爸作品 - 丁媽媽與丁丁, 我仲著住件新羽絨呢, 哈哈!

2014年1月21日星期二

2014-01-21 (Tue) Beautiful lady!

I'm......beautiful lady!

2014年1月20日星期一

2014年1月19日星期日

2014-01-19 (Sun) 滑雪圍巾當bib用

丁亞姨比左條滑雪圍巾丁丁當bib用, 好可愛, 希望快D四五歲比佢去學snowboarding先!

2014-01-19 (Sun) 大漢堡

閒遊迪士尼後, 陪丁呀姨買snowboard jacket, 呢間鋪丁丁係度玩得好開心!

2014-01-19 (Sun) 閒遊迪士尼

迪士尼今日超多人, 我地只係黎左幾個鐘, 食少少野, 玩史迪仔, 同史迪仔影相, 睇巡遊, 就係咁多, 真係閒遊! 因為樣樣野都要排, 唔想排呀~~

2014-01-19 (Sun) 再戰青衣西北公園

今日再戰青衣西北公園放電, 正呀, 冇人, 包場咁, 可能正午時分, 個個去晒飲茶食早餐, 下次都呢D時間黎先! 丁丁開始識由爬上去至滑梯落返黎都能自己一手一腳完成, 不過滑梯都係調轉身落, 好攪笑! 佢最鍾意玩爬上爬落, 相信本身鍾意玩行樓梯有關; 其次就行橋, 有時行到真係好鬼快, 我睇到好牙煙!

2014年1月18日星期六

2014-01-18 (Sat) 青衣西北公園

青衣西北公園放電~~今日都好多小朋友, 所以有一半時間帶左丁丁係草地個邊玩,仲除晒佢D鞋襪, 等到零距離同大自然接觸麻, 哈哈!

2014-01-18 (Sat) 信實第四堂

今日信實有堂, 不過係聯歡會, 但我要返工, 交比丁呀姨帶丁丁去; 其實一去到呢D位, 我自己都覺得有愧於丁丁, 帶唔到佢返學..........好在佢都黐呀姨, 呀姨都好稱職, 睇到丁丁都玩得好開心, 仲做左幅好靚既畫!

2014年1月16日星期四

2014年1月15日星期三

2014-01-15 (Wed) 格格新年衫

丁呀姨買左件格格新年衫比丁丁, 明明買80碼, 但大到120都有, 被厄! 唔岩著, 轉贈了比玲玲, 佢好鍾意, 好岩身, Yeah!

2014-01-15 (Wed) 閒遊中大荷花池

同丁丁上完堂返中大攞車, 約左表姐, 諗住帶佢地去賽馬會氣候變化博物館, 點知逢星期三休館架! >< 好對唔住佢地, 好似昆左佢地黎咁.......好在仲有個荷花池, 紅葉好靚呀, 好似去左日本/韓國咁, 哈哈!

今日又係觀察班的日子, 我好期待, 仲期待過自己返學, 宜家丁丁就係我的全世界了, 哈哈! 汲取了上星期丁丁的情緒反應, 我同婆婆尋日已好好計劃, 晏少少比佢訓, 今朝訓到成十一點呀, 當然朝早安靜環境令佢冇嘈醒都好重要!

要比丁丁熟習一個自由自在, 自由選擇的環境, 一入學校, 我就除晒佢D鞋襪, 佢開頭一踏到草地同水氹會O晒咀好攪笑, 跟住就慢慢行; 今日我仲introduce左玩水既地方比佢, 佢勁鍾意啦!

跟住上堂, 由第一級樓梯到上到一樓, 每一級都係丁丁自己爬上去架! 今堂我親自示範多左比佢睇, 覺得老師都未必睇得切咁多個小朋友, 總之跟著 encourage, demonstrate, wont push 呢個宗旨; 今堂丁丁有用小地拖抺地, 好攪笑! 到circle time 冇上次咁喊足全程, 但都有唔耐煩, 最少我不用出動奶咀都攪掂; 今堂老師仍然冇叫我埋去講咩, 應該丁丁真係冇咩問題, 繼續吧!

落堂又玩過, 開頭佢叫mum mum肚餓, 真係好大個口食南瓜; 之後問佢去玩要唔要, 佢點頭, 自己去玩水了, 我就叫丁爸爸教佢淋花, 佢真係企係度observe架! 仲有滑梯網架韆鞦, 今日全部試晒!

跟住約左表姐係中大等......一離開學校, 未行到MTR, 丁丁已經係我膊頭訓著左了!

2014年1月14日星期二

2014-01-14 (Tue) $100 任食火鍋@中大

中大都有 $100 任食火鍋, 真係有趣; 今晚一於同舊朋友組合試下; $100當然唔好太高期望啦, 合理吧! 最衰係餐廳 9 pm close, 食得好趕......值得一讚係D菜好新鮮好味, 菜芯拍得住平時$20斤個D!

2014-01-14 (Tue) 寒冬下的丁丁

天氣好凍呀, 丁婆婆帶丁丁落街都要做做禦寒措施, 最難得丁丁全程冇抆走冷帽, 竟然肯戴! ^^

2014年1月13日星期一

2014-01-13 (Mon) 賽馬會氣候變化博物館

office 棟樓突然多左個博物館, 真係唔知; 尋日落去行個圈, 都好interesting; 雖然唔及出面的博物館咁大咁專業, 但係中大黎講有個全層博物館, 真係不錯了! 最驚喜係有個有點4D效果既video, 好 AI feel! 最後有得自拍, 上次係澳門科學館都有, 之後要承諾一樣野+打手印, 就可email返張相比自己, 有趣!

2014年1月12日星期日

2014-01-12 (Sun) Dinner@Thai 11

今晚係蘇豪區黎個浪漫泰式熱辣辣晚餐, 一半野係辣架, 正呀! 我鐘意呢度呀, 先有個大公園比丁丁玩, 呢度食野又少人, 又舒服, 又方便; 泊架車係路邊就得, 唔洗下下搵地方泊! 最重要靜D, 丁丁耐性好似好D咁, 今晚成餐飯個半鐘都坐係highchair冇話要落地, 勁乖! 真係黎多D 都唔錯~~

食完飯走時, 丁丁見到門口有兩隻狗仔超興奮!

2014-01-12 (Sun) 鰂魚涌公園 - 爬爬爬

繼迪欣湖後, 又放膽比丁丁自己爬上去先, 不過跌左一次, 好左丁爸爸係後面back up 住, 一額汗!

2014-01-12 (Sun) 鰂魚涌公園

今晚係蘇豪東食飯, 早少少帶左丁丁試玩鰂魚涌公園; 呢度原來咁大, 都幾岩丁丁玩呢; 佢一路係車訓著左, 我抱起佢都訓緊, 黎到叫醒佢, 佢一見到咁大個遊樂場對眼好似發光咁, 好開心好開心! 見到佢笑到咁開心, 又好興奮咁行黎行去, 個開心樣......做呀媽我見到真係心都甜晒! 我好想好想比多D開心幸福笑容丁丁呀!!!

玩玩下玲玲出現, 佢都黎join埋一齊玩, 玩左大半個鐘, 就慢慢行返蘇豪東攞位食飯!

2014年1月10日星期五

2014-01-10 (Fri) 自己床上練習坐低起身

自己床上練習坐低起身:

2014年1月9日星期四

2014-01-11 (Sat) 大膽丁媽媽@迪欣湖

原本想寫大膽丁丁, 但似乎大膽丁媽媽至真? 竟然放膽比呀囡自己爬上去兼行呢條高高地既橋! 我成日都想放手放手放手....不過其實放手真係令人好心驚膽跳, 的確唔輕易!

2014年1月8日星期三

2014-01-08 (Wed) 一連六個星期三的 ICS 觀察班今日開始

一連六個星期三的觀察班今日開始了, Jayden放左學都特登等埋丁丁黎, 玩陣先返屋企, 以前成日黐表姐去玩, 見住諾諾係度返學, 跟住到Jayden, 宜家到丁丁; 以前諾諾帶Jayden返學; 宜家Jayden帶丁丁, 感覺特別!

個半鐘的堂, 老師冇叫我埋去講咩, 即係丁丁應該冇咩大問題, 繼續觀察吧! 我對課室設計好鐘意, 真係為幼兒而設, 佢地對咩有興趣可自己完全掌握, 真係一個安全安心環境令佢地自由發展; 呢堂後, 內心好掙扎, 覺得屋企真係好唔同, 但點先做到更好呢? 我真係好想比最好最好既丁丁, 但屋企人實在太多, 照顧佢既人又唔一致; 人人諗法又唔同........變動, 個個都唔願, 時間又有限, 丁丁一日一日咁長大, 究竟係真係冇資源, 定唔願放資源係丁丁身上呢?