2013-09-30 (Mon) 台灣之旅 Day 4： 通霄鎮飛牛牧場 -> 台北

今早起身後上山食早餐, 最後一日啦, 臨走前影下相, 不過冇丁爸爸份, 佢要係酒店房休息! 今日唔係假日, D人走晒, 呢度真係好舒服好靚, 我地應承丁丁, 得佢大DD, 一定再帶佢黎!

之後十一點離開飛牛牧場, 先去買柺杖, 再去火車站退火車票, 跟住的士直駛台北;我地住萬事達西門店, 三點先check in既, 我地兩點到左, 佢地見唯一男丁拎柺杖, 跟住成班女帶住個BB, 都唔肯比我地早少少check in, 仲話要比錢先可以, 扣晒分! 最後我坐係lobby間餐廳餵丁丁食晏, 媽咪佢地就行下街先, 仲醒到買左阿宗麵線返黎比我地食呢! 

跟住我地商量聽日走唔走好, 最後唔work, 因為我地D機票係redemption tickets, 一定要搵到asia miles先掂, 但一向個電話打成粒鐘都冇人聽架; 加上聽晚的酒店已不能退, 最後叫左Karrie幫手keep住打asia miles & Cathay, 但都估到今日唔會搵到.........已成定局, 盡量開心D過啦, 反正黎左, 唔好厘起酒店, 最多去邊搭的士, 點到點啦!  媽咪話想食火鍋, 即摷旅遊書, 搵到橋頭好似OK, 就gogogo!  返黎再係西門町行下, 買萬國雞脾同蜜糖苦瓜汁宵夜, 最攪笑係見到譚仔三哥, 台灣都攪埋, 勁!

 

2013-09-29 (Sun) 台灣之旅 Day 3： 全日飛牛牧場

今日全日係飛牛牧場盡情玩, 學野方便, 係教室做左彩繪肥牛，瓶中信，牛奶蛋糕; 親親大自然方便, 上左山頂農玩左好多野, 有擠牛奶，餵牛牛飲奶, 睇鴨BB大遊行; 仲買左兩隻好靚既owl mug, 今日雖然好攰好熱, 但真係非常好既牧場體驗! 

訂房間前, 媽咪話想試下住和式木屋, 所以今晚應轉去山中間的和式木屋住既, 但因為空調問題, 不能比我地住, 而飛牛只得兩間木屋房, 另一間還未退......就叫我地住多晚尋晚的房間, 不用加錢; 有好有唔好啦, 好係我地住的房係全飛牛得一間咁既間格, 每晚NTD5800, 而和式木屋就NTD4600, 宜家係免費upgrade啦, 唔好就令媽咪試唔到和式木屋囉.....不過個人對木屋有D卻步, 因個邊叫牧場原憩, 冇咁靚同細D咁, 未入過去又真係唔知入面係點呢!

今日失望係晚飯想食牛奶火鍋架, 點知六點幾去到已經話賣晒, 因為今日係星期日喎, 好多好多客人........可能真係註定我地要帶丁丁黎多次啦, 哈哈!  最後去返尋晚的餐廳再食, 仲係咁玩個布甸波波, 哈哈!

不 幸的事發生了, 亦係影響全個旅程既重要事情, 大家由開心跌至好唔開心, 因為臨回房間時, 丁爸爸出意外, 由樓梯頂跌了下來, 痛到行唔到, 仲去了通霄鎮的急症室......照了X ray話骨折了, 要打石膏........計劃改變了, 由原本明天搭火車到台北改為的士; 醫生話只要唔好再令骨折處再郁到, 可不用立刻回港......台北的酒店已全付了, 去到台北再算吧! 

2013-09-28 (Sat) 台灣之旅 Day 2： 高雄 -> 通霄鎮飛牛牧場

今早媽咪話半夜開始有痛風般的痛, 佢第一次咁, 擔心.....好在飯店附近有間規模同服務都好好的醫院, 見了一個好似好高級的醫生, 雖然他的英文麻麻, 但感覺到佢相當熱心, 兼且好開心同我地傾計, 可能我地係遊客, 好少係日覆日的工作中遇到, 相信今次除左係我地既經驗, 亦係佢既一個難得經驗; 打針取藥後, 就check out走啦, 向飛牛牧場出發, 亦係此行highlight的目的地!

今日行程:

	吃早餐	食完check out去高雄火車站買火車票去通霄鎮
	高雄火車站	下午到達通霄鎮 (火車內食飯盒)
苗栗	飛牛牧場(2天) 15:00 CHECK in	通霄鎮南和里166號 (高雄火車站去通霄站下車改乘的士[大約230-250左右]進去)
		玩飛牛牧場的設施，在裡面吃飯

 (from: 網友亞蘭)

因為去左醫院, 耽誤了少少時候, 我地就直接係高雄火車站食MOS午餐, 可惜十二點的火車滿了, 唯有買一點......臨上車時, 我拿網友亞蘭的行程看看, 驚見手上的車飛係到苗粟, 但行程說是要買到通霄鎮的! 奈何火車已夠鐘開了.....好在車長教我地係彰化轉車就可以, 買錯的cost亦不是損失好多, 只係每人約廿塊台幣; 最後四點半先到達飛牛牧場, 間房真係好大好靚, 地板係木板, 丁丁就可隨意爬黎爬去, 好呀, 黎呢度主要都係for 丁丁!

跟住我地周圍行下, 食晚飯, 上刨冰堂, 好開心! 計劃埋聽日滿滿的行程, 好期待, 而丁丁都好開心, 咁我更加開心啦!


 

2013-09-27 (Fri) 台灣之旅 Day 1： 香港 -> 高雄

兩年冇搭過飛機啦, 此行第一次帶丁丁搭飛機, 仲有媽咪細妹同行幫手, 好期待呢個組合的第一個family trip; 多得網友亞蘭熱心又快心咁幫我編晒六天行程, 岩晒唔識計劃既我!

出發啦~~ 帶住丁丁, 原來好多機會唔洗排隊,好似過關咁, 係台灣我地仲行航員通道添! 飛機上, 丁丁有條安全帶要綁住我個條既呢!

到達高雄, 呢間中央商務飯店真係麻麻, 七月已打電話黎訂, 又唔洗比錢住, 咁出發前幾日再打長途黎確認, 佢仲講得出我係香港張小姐, 點知黎到話冇記錄, 攪左十幾分鐘又調動到, 都好, 起碼唔係轉去遠D既地方, 不過相信被提高了價錢(NTD2580/四人房); 算吧, 反正住一晚, 呢晚的酒店相信亦係呢幾天入面最差的, 賓館feel......

今日行程:

香港	KA432-->高雄	8:50起飛11:10到達，坐地鐵(捷運)去美麗島站1號出口 向左轉會見到銀行，再行前會見到一間酒店「中央商務旅館」
高雄	入住中央商務旅館	地址：新興區中正四路6號，電話：０７－２８５２５２０ 午飯：剛才捷運出口那間食店(大圓環)，肉燥飯、苦瓜排骨湯都好吃
	海之冰	飯店門口右邊走會有個巴士站(位置約在高島屋門口) 乘248號公車去海濱一路下車，食大大碗的冰，記得影相 我曾經影過一張10人吃的大碗冰(我高雄的朋友說未食過海之冰，未算來過高雄)
	旗津	步行去「鼓山渡輪」坐船去旗津走走，那邊有沙灘, 可玩水及去吃海鮮(如果玩水幫BB帶多1套衣服去) 有些店的海鮮是$100台幣一碟，任選，都不差.
	六合夜市	回飯店休息一會, 去六合夜市

(from: 網友亞蘭)

2013-09-25 (Wed) 漏夜試雪褸

已經11xx pm, 原本係床度蘊釀緊訓, 點知丁爸爸返黎, 丁丁醒晒, 丁媽媽我又見到D新貨, 忍唔住即刻幫丁丁試; 開頭都無咩事, 丁丁戇居居, 點知越來越唔對路, 比我地當公仔咁武, 著到咁厚又郁唔到爬唔到, 仲要比人推埋一邊影相, 陰功豬~~~~ Sorry! 媽媽只係想快D睇下買D衫岩唔岩您身咋!

2013-09-25 (Wed) Carter's 秋冬季衫到手

同一日, 係美國訂的Carter's 秋冬季衫都空運到港喇！

2013-09-25 (Wed) 新鞋仔襪仔

丁呀姨訂的鞋襪到手啦, 趕得切去台灣前收到~~全部都好靚呀!!

2013-09-23 (Mon) 我愛飲湯湯

我愛飲湯湯:

2013-09-22 (Sun) Swimming Class #22

風球下的游水班, 只得2個小朋友，正呀！

2013-09-22 (Sun) 風球下的絲婚紀念

風球下的絲婚紀念，dinner buffet改了lunch buffet，明智！不過丁丁令媽媽食了個殘廢餐，全程要我抱住訓，試放BB車3次都即醒喪喊。。。跟住上埋只得2個小朋友黎上堂的游水班，正呀！

2013-09-22 (Sun) 蛋撻頭丁丁

蛋撻頭丁丁:

2013-09-21 (Sat) 1st time to have a CLASS @ Praise

丁丁第一次上堂, 人地圍圈坐定定, 佢就全場爬黎爬去, 我好似捉雞仔咁, 勁攰......做手工時人地係度畫畫畫, 佢就掛住食顏色筆/丟落地......食茶點時就最乖, 坐定定慢慢食, 但人地個個食晒執晒野, 佢仲坐係度慢慢嘆, 哈哈!

2013-09-20 (Fri) 見到小朋友仔伸脷自己又伸脷

係醫院見到有張相個小朋友伸脷, 丁丁自己又伸脷, 好攪野呀! 小朋友學野真係好快好估您唔到, 真係唔可以輕視!

2013-09-20 (Fri) 學寫字

學寫字:

2013-09-20 (Fri) 愛心南瓜生菜瘦肉粥

姐姐放假，婆婆係醫院......媽媽我親自出手煮粥仔比丁丁食，應該符合營養指標吧！

 

2013-09-19 (Thu) 中秋節

丁丁第一個中秋節, 冇兩個鴨仔燈籠; 不過婆婆仲係醫院, 我地都冇咩特別活動, 先去醫院探婆婆, 跟住去大圍搵爺爺嫲嫲, 係公園賞下月咁!

2013-09-19 (Thu) My tailor-made mooncake

My tailor-made mooncake ^^

2013-09-17 (Tue) 跟爸爸的親子時間

跟爸爸的親子時間, 珍貴+開心!

丁丁@迪迪尼

今日第一次帶丁丁黎迪迪尼, 多謝叔叔的慈善票, 令我地一家大細好平咁一齊入黎玩, 可惜媽媽係醫院去唔到......最上一次黎係大肚時,今次第一次體驗灰熊山採礦車同迷離莊園, 採礦車超好玩; 另外我又順道整埋annual pass, 此行真係一舉多得!