2012-09-30 (Sun) 短會小姨甥．做節＠太陽家．糖水＠明師傅．賞月@深井馬灣碼頭沙灘

中秋節正日，先短會兩個小姨甥，再係太陽家做節；太陽媽媽煮了好豐富的晚餐，可惜唔記得影相，因為掛住講太陽爸爸新出的 iPhone 5，哈哈！

跟住車太陽爸媽出去食糖水，諗住去荃灣松記，點知超多人，就食隔離間明師傅！

陪完太陽爸媽後，同太陽哥哥二人世界，過最後兩個人的中秋節，近近地去左深井馬灣碼頭沙灘賞月，好開心的一晚！加上黎緊兩天太陽哥哥放假陪我喎，yeah！ 

2012-09-29 (Sat) Dinner＠丼丼屋

今晚同太陽哥哥撐檯腳，試左青衣城新開的丼丼屋，個飯真係幾好食，不過覺得咁食份，貴左ｄ！個炸芝士薯餅入面好creamy，不過食晒成個都幾漏！

 

2012-09-28 (Fri) 做節＠九龍城燦記路邊雞

今日屋企做節，去左九龍城試燦記路邊雞，真係幾好味！走時仲見到蔡一智，佢仲係坐我地食完的檯，坐埋我坐過的櫈添，哈哈！

2012-09-26 (Wed) 接媽媽放學．買野

媽媽逢星期三早上有fellowship，今日接佢放學，跟住食晏，再去楊屋道買新鮮餸，呢度個街市真係大過屋企樓下好多倍！出開街就少不了要買下小丁丁既野，仲有買定手術後的束腹帶，希望到時戴左真係唔痛啦！

2012-09-24 (Mon) Last Day in 2012

返埋今日正式收爐，開始前三後十的產假，好好在家養胎，希望養到小丁丁肥肥白白咁出世！2012年最後一個工作天，同Jimmy-san＆任美食晏！

 

2012-09-23 (Sun) Dinner@翔龍拉麵小籠包．精美大肚相簿禮物

今日約了Kim一家食飯，首試愉景新城的翔龍小籠包，好好味喎！送了Thomas比敏昊，佢好開心呢！

跟住車佢地返屋企，Kim好神秘話有份好新鮮既禮物要送比我地，叫我地上佢屋企，原來係．．．嘩，佢將幫我地影既大肚照製作左一本好精美的相簿呀，好正！